Түркия, Швеция мен Финляндия 28 маусымда Мадридте келісімге келді. Бұл жөнінде НАТО бас хатшысы Йенс Столтенберг мәлімдеді. «Финляндия мен Швецияның НАТО-ға кірер алдындағы қадамдары одақтастармен екі күн ішінде келісіледі» деп мәлімдеді Финляндия президенті Ниинистёнің кеңсесі. Бұл ақпаратқа қарағанда, Түркия осы аптада Мадридте өтетін саммитте Финляндия мен Швецияның НАТО-ға мүше болу жөніндегі өтінішіне «қолдау көрсетуге тиіс».
Фин президенті кеңсесінің мәліметінше, Хельсинки, Стокгольм мен Анкара қауіпсіздікке қатер мәселесі бойынша бір-бірін толық қолдауға уағдаласқан.
Түркия президентінің әкімшілігі «Швеция мен Финляндия Анкара террор ұйым деп санайтын Күрдістан жұмысшы партиясы мен өзге де ұйымдарға қолдау көрсетпеуге міндеттенді» деп хабарлады. Кездесу қорытындысы бойынша сөйлеген Йенс Столтенберг Финляндия мен Швецияның НАТО-ға кіргені Ресей шекарасында НАТО күштерін қысқартуды талап етіп жүрген Ресей президенті Владимир Путиннің әрекетіне кереғар шыққанын айтады.
