Ұлттық банк интервенция жүргізуді жалғастыруда

Теңгенің құбылмалылығы санкциялар мен әлемдік нарықтағы динамикаға байланысты болады. Ұлттық банк теңге бағамын ұстап қалу үшін 1-5 наурыз аралығында 534,3 млн АҚШ доллары сомасына интервенция жүргізді. Бұл сауда-саттықтың жалпы көлемінің 60 пайызын құрайды. Осы соманың 414,3 млн доллары – Ұлттық қордан республикалық бюджетке трансферттерді қамтамасыз етуге бағытталған және 120 миллион доллар – валюталық интервенциялар. Ішкі валюта нарығындағы ахуалдың тұрақсыздануына жол бермеу үшін  28 ақпанда Қазақстан қор биржасында (KASE) доллар-теңге жұбы бойынша сауда-саттық Франкфурт аукционы бойынша өтті. Оның қорытындысына сәйкес, Ұлттық банк валюталық интервенциялары 98,1 млн АҚШ долларын немесе бір күнгі сауда-саттықтың жалпы көлемінің 61,5 пайызын құрады. Сейсенбіден бастап сауда-саттық штаттық режимде өтіп жатыр. Осылайша апта басынан бері Ұлттық Банк 630 млн доллардан астам сомаға интервенция жүргізді. KASE-де ұлттық валютаның орташа бағамы сенбі күні түстен кейін бір доллар 503,3 теңге болды. Бұл бағам Ұлттық Банктің 6-9 наурыздағы ресми бағамы болып саналады. Сонымен қатар, валюта айырбастау пунктерінде доллар сатып алу бағамы 511-512 теңге, сату бағамы 517-520 теңге.  Біраз пункттерде доллар сатылмайды.