Үшінші дүниежүзілік соғыс қалай басталады?

Үшінші дүниежүзілік соғыс қалай басталады?

Екінші дүниежүзілік соғыс 1939 жылы 1 қыркүйек күні басталған жоқ. Одан бұрын басталған. 1931 жылы жапондар Маньчжурияны басып алды, 1935 жылы италиялықтар Румынияға баса көктеп кірді. 1936 жылы Германия ашық түрде қарулану жолына түсті. Сол жылы Испан соғысы бұрқ етті. 1938 жылы немістер Австрияға басып кіріп, өздеріне қосып алды. Sudetenland өңірін меншіктеніп алды. 1939 жылы Германия мен  Кеңес одағы Польшаны бөлшектеп тастады. Келесі жылы немістер батыс майданда соғыс ашты. Барбаросса жоспарымен Перл-Харбор айлағына шабуыл жасалды. 

Айтайын дегенім, соғыс бір күнде бұрқ еткен жоқ. Судың біртіндеп көтеріле беріп, соңында тоспаны біржола алып кететіні сияқты болды. Бүгінгі жағдай да дәл сондай бірнеше жылғы даму барысын қайталағанын көреміз. Әлем тек Ресей Украинаға басып кірген күні ғана осының бәріне шын назар аударды. 

Бұдан бұрын орыстар Грузияға соғыс ашты, Қырымды жаулап алды, Украинаның екі облысын барымталады, Сирияда Алеппо өңірін тас-талқан етті. Англияда улы-радиоактив және химиялық зат қолданып, адам өлтірді, біздің (АҚШ) сайлауға сына қақты, интернеттік кибершабуыл ұйымдастырды, Борис Немцовты атып өлтірді, Алексей Навальныйды қудалап, қамауға алды.   

Ұлттық қауіпсіздік пен заңға, халықаралық нормалар мен келісімдерге ауыр дәрежеде қайшы келген осы жағдайлардың қайсысына қатаң түрде ескерту, шара қолданып, келесіде қайталанбауына мүмкіндік беретін лайықты тосқауыл қойылды? Батыстың Сирияның химиялық қару қолданағанын, Қытайдың Гонкоңының билігін аяқ асты етуін, Иранның Сирия соғысына араласуы сынды халықаралық ереже мен тәртіпті бұзған бассыздыққа лайықты тосқауыл қойғанда, мүмкін Путиннің бүгінгі тірлігін ауыздықтаған болар ма едік? 

Басқаша айтқанда 24 ақпаннан бұрын Путин өз ісінің неге соқтыратынын сезіне алған жоқ! 

Біреулер осының бәрі Батыс елдерінің кінәсі – Украинаны НАТО қабылдауға ниет білдіруден туындаған дағдарыс деп айтуда. Негізі бұл мүлде қате пікір. Өткен 22 жыл бойында біз Путиннің қас-қабағына қарап, ренжіп қалмасыншы, өкпелеп қалмасыншы деп жүріп, түк бітіргеніміз жоқ. Қарсы тұрмайтын сондай көмпіс, түйеқұс сияқты, бір аттап алға баспайтын, бейшара тірліктің арқасында бүгін Украинада қырғын ұйымдастыруға қарап тұрып жол бердік. 

Бүгінгі Д.Байден үкіметінің басындағы міндет осы шегіншектеген тірліктен бір жола құтылуға сайып тұр. Бірақ бұл жағынан алаңдатар дүние баршылық. Көңілге қуаныш ұялататыны орыстар соғыста салған жерден жеңіске жеткен жоқ. Соғыс Батыс елдерін біршама ынтымақтастырған сыңайлы. Мұны президент Д.Байденнің еңбегінен бөле қарауға болмайды. Бірақ Ж.Байден үкіметі әлі де сол батылсыз, үрейленгіш түсініктен толық арылмағаны аңғарылады… 

 

Бүгінде Путиндердің қатары көбейіп жатыр. Бейжің, Тегеран, Мәскеу үшін таптырмас одақ болуға сайланып отыр. Ендеше, Үшінші дүниежүзілік соғыс қалай басталады деп ойлайсыз? Меніңше, дәл сол өткендегі соғыс сияқты жолмен басталады.  

Bret Stephens, аударған – Баян Ардақ, thebilge.kz
14.05.2022

Ұқсас жаңалықтар

Аудан әкімі ардагер спортшыларды марапаттады
Талас аудан әкімдігі - 06.07.2022 33
АУЫЛАРАЛЫҚ ТУРНИР ӨТТІ
Жамбыл ауданы - 06.07.2022 24
164 түлек ауылға жолдама алды
Сейсен ҚОЖЕКЕ. Меркі ауданы. - 06.07.2022 21
Ардагер аяқдопшылар алтыннан алқа тақты
Нарбол ҚАШАҒАН, журналист. Талас ауданы. - 06.07.2022 21
Абылай хан туралы ащы щыңдық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т.ғ.к. - 30.06.2022 189
Әділ Қазақстан: Әлібидің азабы
Анықтама жасаған – Абзал Құспан, заңгер - 30.06.2022 182
Абылай хан туралы ащы шындық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т. ғ. к. - 23.06.2022 1189

Топ жаңалықтар

1
Басты мақсат – жас спортшылар қатарын көбейту
Show more
Ләззат ҚАЖЫМОВА БҚО Орал қаласы - 2022-07-06 64
2
«Алтынордалықтардың» алтыншы қойылымы
Show more
Ләззат ҚАЖЫМОВА, БҚО Орал қаласы - 2022-07-06 95
3
Оң баға берілді
Show more
Ләззат ҚАЖЫМОВА БҚО Орал қаласы - 2022-07-06 66
4
Еңбектенемін деген жасқа мүмкіндік мол
Show more
Ләззат ҚАЖЫМОВА БҚО Орал қаласы - 2022-07-06 65
5
Дәстүрлі спартакиада
Show more
Ләззат ҚАЖЫМОВА БҚО Орал қаласы - 2022-07-06 68