Жиылды бүгін міне замандастар,
Мерекені жиынды алға бастар,
Әрбірі әр әулеттің көшбасшысы,
Артынан ілесетін қалың жастар.
Армысыздар, ғажайып үлкендерім,
Босқа өтпеген ешқашан әр күндерің,
Жастарым өнеге алса өздеріңнен,
Таң ғажайып болар ед өркендерің.
Көпшілік жастарымыз өжет боп тұр,
Кеңесі үлкендердің қажет боп тұр.
Арада кейбір әже-аталардың,
Өздеріне тәрбие керек боп тұр.
Тәрбиені тал бесіктен бастау керек,
Жаман әдет, мінезді тастау керек.
Жастарға берілетін тәрбиеге
Келеңсіз жамандықты қоспау керек.
Замандастар жағдайы қалай боп тұр?
Өкіметке үмітпен қарайлап тұр.
Көп пайда болмаған соң жоғарыдан
Жастар жүр отбасында маңайлап құр.
