Жамбылда 3 су қоймасы салынады

ҚР Премьер-Министрі Әлихан Смайылов Сенат депутаттарының сауалына берген жауабында: «Жамбыл облысы аумағында трансшекаралық өзендер бойында су қоймаларын салу қажеттігі («Ақмола», «Қалғұты», «Ырғайты»)  – суды үнемді пайдалану есебінен өнімділікті арттыру жөніндегі стратегиялық міндетті іске асырудағы 2021-2025 жылдарға арналған «Жасыл Қазақстан» ұлттық жобасы іс-шараларының бірі. Жоба бойынша 2022 жылға арналған республикалық бюджетті нақтылау аясында жобалық-сметалық құжаттамасын әзірлеуге 243,4 млн теңге сомасына тиісті бюджеттік өтінім қаралып жатыр. Жалпы Жамбыл облысы аумағында қазақ пен қырғызға ортақ трансшекаралық өзендер бойында су қоймасын салу мәселесі Үкіметтің ерекше бақылауында», –  деп жазды.