Жанбота: Бізге сіздердің қолдауларыңыз ауадай қажет

Бейжің Олимпиадасы қарсаңында жанкүйерлерден қолдау күтетінін жеткізген     фристайл-акробатикадан Қазақстан командасының үздігі Жанбота Алдабергенова: «Төртжылдықтың ең басты додасы санаулы күндерден кейін басталады. Бұл бәсекені спортшылар да, жанкүйерлер де асыға күтті. Әлемдегі пандемия да бізді біраз әбігерге салды. Осыған қарамастан, біз бар күш-жігерімізді жинап, жаттығуды үзбей, әлем көз тіккен бәсекеде ел намысын қорғаймыз. Мен барша қазақстандық жанкүйерлерді құрама спортшыларын қолдауға шақырамын. Дәл қазір бізге сіздердің қолдауларыңыз ауадай қажет! Бізбен бірге болыңыздар!» – деген үндеу жасады. Айта кетелік, Бейжің Олимпиадасы 4-і ақпанда басталады.