Алматыда өтіп жатқан кәсіпқой бокс кешінің басты айқасында өнер көрсеткен кәсіпқой боксшы Жанқош Тұраров (25-0, 18 КО) венесуэлалық Луис Энрике Ромеромен (11-5-1, 7 КО) жұдырықтасты. Жекпе-жек бірінші жартылай орта салмақтағы IBO Inter-Continental чемпионы атағы үшін өтті. 10 раундқа есептелген айқас жетінші раундта қазақстандық боксшының жеңісімен аяқталды: ол қарсыласын екі рет нокдаунға жіберді. Осылайша, Жанқош Тұраров кәсіпқой бокстағы 26-ы жеңісіне қол жеткізіп, IBO-ның қосалқы чемпиондық белдігін иеленді. Ал Луис Энрике Ромеро профи-рингте үшінші рет жеңіліс тапты. Бұған дейін Ж.Тұраров WBO Inter-Continental нұсқасы бойынша чемпион болған еді.
