28 мың 44 адам эвакуацияланды.
Эпицентрі Кахраманмараш болған жер сілкінісінен қаза тапқандар саны 16 мың 170-ке жетті.
Жер сілкінісінен зардап шеккен аймаққа барған президент Режеп Тайып Ердоған жер сілкінісінен қаза тапқандардың 16 мың 170-ке, жараланғандар санының 64 мың 194-ке жеткенін мәлімдеді.
6 мың 444 қираған ғимараттың қирандыларында іздеу-құтқару жұмыстары жалғасуда.
Іздестіру-құтқару жұмыстарын қоса алғанда, аймақта 113 мың 201 адам жұмыс істеп жатыр.
Өңірге жөнелтілген 94 мыңнан астам отбасылық шатырдың басым бөлігі тігілген.
Аймаққа 95 жылжымалы асхана, 79 қоғамдық тамақтандыру көлігі, 4 жылжымалы пеш, 39 далалық асхана, 1 контейнерлік ас үй және 86 қызметтік көлік жіберілді.
AFAD бүгін сағат 11.38-де Кахраманмараш жер сілкінісінен зардап шеккен аймақтардан құрлық, теміржол және әуе арқылы 28 мың 44 адамның эвакуацияланғанын хабарлады.
