Ақмола облыстық өңірлік коммуникациялар қызметінде жастарды қолдауға бағытталған мемлекеттік бағдарламалар мен жобаларды көпшілкке түсіндіру туралы, облыстың халықты жұмыспен қамту саласының мамандары брифинг өткізді. Жастардың қоғамда өз орнын табуының негізгі тірегі жұмыспен қамтылуы. Халықты, жастарды жұмыспен қамту – мемлекеттің басты міндеттерінің бірі. Сол міндеттердің біріне тоқталған Ақмола облыстық кәсіпкерлер палатасының директоры Ерқанат Мұсылманбек төмендегіні баяндады.
– «Атамекен» ұлттық кәсіпкерлер палатасы «Бастау Бизнес» жобасы бойынша кәсіпкерлік негіздерін оқыту арқылы, кәсіпке баулып, халықтың экономикалық сауатын, белсенділігін жетілдіруді мақсат тұтуда. «Бастау Бизнес» оқыту жобасы мүгедектер, елу жастан асқан адамдар, NEET санатына жататын жастар, аз қамтылған немесе көп балалы отбасылардың мүшелері, қоныс аударушылар мен қандастарға арналған. Оқуды 21 күнде бітіріп, сертификат алады. 2021 жылы «Бастау» жобасы бойынша 1300 адамды оқыту жоспарланды. Өткен жылы жобаға барлығы 1495 адам қатысса, оның 413-і жастар. Осы адамдардың 1013-і өз жобаларын жүзеге асырған. Жобаға 2 млрд теңге қарастырылып 1013 адам мақсаттарына жетті.
Келесі кезекте сөз алған облыстық жұмыспен қамтуды және әлеуметтік бағдарламаларды үйлестіру басқармасы басшысының орынбасары Шолпан Рахматуллина жастарды қолдау жайына тоқталды:
– Биыл біз «Жастар тәжірибесі» аясында 532 жас маманды оқуға жұмылдырамыз. Бұрынғы талаптар өзгеріп оқу мерзімі 1 жыл, шәкіртақы 30 айлық есептік көсеткішке жетті. Оқу оқыған мерзім еңбек өтіліне саналатын болды. Жұмыспен қамтудың жол картасы аясында биыл 367 адамға 1,5 млрд теңге бөлінді. Жыл басынан бұл мүмкіндікті 100 қатысушы пайдаланып, 416 млн теңгеге жуық несие рәсімдеді. Жұмысы бардыңырысы бар. Жоба жалғаса береді.
