Жүргізушілерге ескерту!

Ауа райының қолайсыздығын ескере отырып, ҚР Ішкі істер министрлігі көлік жүргізушілерін күн райының бұзылуына байланысты жолда абай болуға шақырды. Министрлік таратқан хабарламада: «Еліміздің «Қазгидромет» қызметінің хабарлауынша, 10-12 ақпан аралығында еліміздің барлық өңірлерінде ауа райының нашарлауы, ауқымды антициклон, жаңбыр мен қар түрінде жауын-шашын болады, сондай-ақ желдің күшеюі және көктайғақ күтіледі. Осыған балйнасты ішкі істер министрлігі көлік жүргізушілерін жол ережесін қатаң ұстанып, көлік арасындағы арақашықты пен қозғалыс жылдамдығын сақтауды ескертеді. Алыс жолға шығарда ауа райы болжамы мен дабылды ескертулерге назар аудару керек», – делінген Айта кету керек, ауа райының қолайсыздығына байланысты қыс басталғалы жол-көлік оқиғаларының саны күрт өсті. Соңғы тәулікте ғана 23 жол апаты тіркеліп, бір адам қаза тауып, 33 адам зардап шекті.