АҚШ-та ұшақ апатқа ұшырады

 АҚШ-тың Техас штатында 21 адам мінген ұшақ апатқа ұшырады. ТАСС агенттігінің АВС телеарнасына сілтеме жасап жазуынша, оқиға Техас штатында, Хьюстоннан батысқа қарай орналасқан Уоллер округінде болған. Ұшақ далалы алқапқа құлаған. Барлық жолаушы эвакуацияланып үлгерген, 2 адам зардап шеккен. Апат орнынан түсірілген видеода өрт тұтанғанын және әуе кемесінің корпусы толығымен қирағанын көруге болады. McDonnell Douglas MD-87 ұшағы Бостонға бет алған. Мән-жайды анықтаумен FAA және Көліктегі қауіпсіздік жөніндегі ұлттық кеңес айналысады.