Баян Болатханова, «Molia&DOS» ЖШС директоры, Республикалық «Абитуриент», «Турист» газеттерінің бас редакторы: Газетте қызмет істеген жылдарымды сағынамын

Баян Болатханова, «Molia&DOS» ЖШС директоры, Республикалық  «Абитуриент», «Турист» газеттерінің бас редакторы:  Газетте қызмет істеген жылдарымды сағынамын

Газет қоғамның үні, құлағы, айнасы десек, «Zaman-Қазақстан» халықаралық газетінің дүниеге келуі де заңдылық. Екі елдің рухани алтын көпірі міндетін атқаратын басылым керек еді. Туысқан елдердің достығын, ынтымағын, аймақтардағы экономикалық, саяси, әлеуметтік ахуалды жан-жақты жазып, талдап, талқылап отыру арқылы замандастарымыздың білім көкжиегін, рухани танымын молайтуға мүмкіндік алдық. 

«Zaman-Қазақстан» газетінде Иылмаз мырза бас директор, Жұмабай Шаштайұлы мырза бас редактор боп тұрған 1998-2000 жылдар аралығында бас редактордың орынбасары қызметін атқардым. Курстасым Рахымбай Ханалы мырза да Бас редактордың орынбасары боп жұмыс жасады.  Газеттің бас директоры Ахмет Аляз мырза – жауапты хатшы. 24 бет боп шығатын газеттің түрікше 4 бетінің мақала, хабарларын апта сайын Ахмет Аляз өзі толықтырып отыратын. Қалған 20 беттің мазмұнды, қызықты, ақпараттарының жедел шығуына, газеттің өзіндік бет-әлпеті болуына Бас редакторымыз Жұмабай Шаштайұлы басқаратын шығармашылық ұжым жауап беретін.  Белгілі экономистер, саясаттанушылар, әдебиеттің өнер мен мәдениеттің өкілдері газетіміздің тұрақты авторларына айналды. Қонақжай шаңырақтың қадірлі қонақтары – Қазақстанға танымал зиялы қауым өкілдері болатын. 

Халықаралық басылымның басшылығы ұжымда салауатты өмір салты орнауына ерекше көңіл бөлді. Діни мейрамдарға айрықша мән беріп, айлардың сұлтаны – Рамазанды айрықша атап өтетін. Түркиялық әріптестеріміздің бірі қалмай намаз оқып, ораза ұстаса, жергілікті тілшілердің арасында да кейбірі өз қалауларымен намаз оқып, ауыз бекітетін. Мұның бәрі имандылық мектебі, мұсылмандық әліппесі тәрізді әсер етіп, ұжым мүшелерінің рухани жан дүниесінің баюына ықпалын тигізді. «Zaman-Қазақстан» халықаралық газетінде қызмет атқарған  жылдарымды сағынышпен, қимастықпен еске аламын. Өзім үшін үйрену, тәжірибемді шыңдай түсу уақыты болды деп есептеймін.

 

Ендігі жерде «Qazaqstan dauiri» боп қайта сап түзеген, заманға сай басылымға айналған үнқағаздың мазмұнды ақпарат тасыған қанаты талмасын! Рухани аспанымыздағы 30 жылдық шеруі ғасырларға ұлассын! Екі жүз жыл, мың жылдап биіктерге самғай берсін!

 

Шаргүл ҚАСЫМХАНҚЫЗЫ
14.04.2022

Ұқсас жаңалықтар

Тез таралатын жұқпалы аурудан сақтану
Артықбаев Сәкен Сарсенұлы Сарысу аудандық санитариялық-эпидемиологиялық бақылау басқармасының басшысы - 29.03.2024 11
Қызылша – вирусты инфекция
Артықбаев Сәкен Сарсенұлы Сарысу аудандық санитариялық-эпидемиологиялық бақылау басқармасының басшысы - 29.03.2024 6
ҚАЗАҚТЫҢ ЖАНЫ – ДОМБЫРА
Дәулетбек Байтұрсынұлы - 28.03.2024 148

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 358
2
Өркенді қала-қуатты өңірге жетелейді
Show more
Дахан Шөкшир - 2023-06-02 6464
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8172
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6543
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6679