Бейжің Олимпиадасының кезекті жарыс күнінде биатлоншылар арасында спринт өтіп, норвегиялық ағалы-інілі Белер жеңіс тұғырына көтерілді. 10 шақырым қашықтықта сынға түскен спортшылардың арасында норвегиялық Йоханнес Бё Бейжің Олимпиадасының чемпионы атанды. Екінші орын Франция атлеті Кентен Фийон-Майеге бұйырса, қола медальді жеңімпаздың ағасы норвегиялық Тарьей Бё қажығасына байлады. Қазақстан намысын қорғаған Александр Мухин мен Владислав Киреев үздік жиырмалықтың қатарынан көрінген жоқ. Олар көштің соңын жинап, Александр Мухин – 49-ы, Владислав Киреев 77-і орынға жайғасты. Екі спортшымыз да нысананы дәлдеу кезінде бір мәрте мүлт кетті. Спортшылардың көрсеткіштері: 1. Йоханнес Бё (Норвегия) – 24:00.4 (0+1) 2. Кентен Фийон Майе (Франция) – +25.5 (1+0) 3. Тарьей Бё (Норвегия) – +38.9 (0+1) ... 49. Александр Мухин (Қазақстан) – +2:36.8 (1+0) 77. Владислав Киреев (Қазақстан) – +3:21.3 (1+0).
Ал, әйелдер арасында 10 шақырымда сынға түскен отандасымыз Галина Вишневская-Шепоренко 52-і орыннан аса алмады. Бұл қашықтықта норвегиялық Марте Ройселанн Бейжің Олимпиадасының чемпионы атанды. Күміс медаль Шведция спортшысы Эльвира Эбергке бұйырса, үшінші орынды тағы бір норвегиялық Тириль Экхофф алды.
