Үндістанның Ченнай қаласында өткен 44 Дүниежүзілік шахмат Олимпиадасы өз мәресіне жетті. Жарысқа 2000-нан астам қатысушы, атап айтқанда, 189 ерлер мен 162 әйелдер командасы қатысты. 11-турда әйелдер құрамасы Үндістан құрамасымен кездесті. Қорытынды тур біздің құраманың жеңісімен (2,5-1,5 есебімен) аяқталды. ҚР құрамасы 17 матчтық ұпай жинады (8 жеңіс, 1 тең ойын, 2 жеңіліс). Осылайша командалық ойында әйелдер ұлттық құрама командасы 5-орынға тұрақтады. Жеке қорытынды нәтижелері бойынша Әбдімәлік Жансая олимпиаданың 1 тақтасында 9 мүмкін ұпайдан 7 ұпай жинап, 3-орын алды. Бибісара Асаубаева «Әйелдер арасындағы Азияның үздік шахматшысы» атанды. Халықаралық рейтингке сәйкес шахматшылар Олимпиаданың бастапқы тізімінде 10-орында еді. Олимпиададағы біздің шахматшыларымыз орта жастағы ең жас командалардың бірі болып табылады. ҚР әйелдер құрамасы Украина, Грузия, АҚШ, Үндістан сияқты елдерден кейін 5-орынға табан тіреді.
1) Әбдімәлік Жансая (22 жаста) 9 партиядан 7 ұпай жинады.
2) Асаубаева Бибісара (18 жас) 11 партиядан 8 ұпай жинады.
3) Балабаева Ксения (17 жас) 10 партиядан 5,5 ұпай жинады.
4) Нахбаева Гүлісхан (31 жаста) 10 партиядан 6 ұпай жинады.
5) Нұрғали Назерке (18 жаста) 4 партиядан 1,5 ұпай жинады.
Қазақстан ерлер құрамасы, 11 турда Үндістан құрамасының үшінші құрамасына қарсы шықты. Қазақстан шахматшылары үшін 11 тур 2:2 тең нәтижемен аяқталды. ҚР ерлер құрамасы 15 матчтық ұпай жинады (7 жеңіс, 1 тең ойын, 3 жеңіліс) және 17-орын алды. Халықаралық рейтингке сәйкес шахматшылар Олимпиаданың бастапқы тізімінде 40-орында еді. Соған қарамастан, жас шахматшылармен бірге ерлер командасы 17-орынға ие болды.
