Егер соғыс бола қалса... сатқындар қашады, отаншылдар қалады

Егер соғыс бола қалса... сатқындар қашады, отаншылдар қалады

Өткен нөмірімізде «Украина тағдыры кімнің қолында?» атты мақала жарияладық. Себебі 24 ақпан күні орыстар Украин еліне соғыс ашқанына жыл толады екен. Шынында да «3 күн ішінде Украинаны тас-талқан етіп жеңеміз» деп астамсыған Путиннің сөзі сандыраққа айналды. 364 күн және түн қаһарман Украин батырлары өздерінен қаншама есе күшті, қуатты әрі төрткүл әлемді мойынсұндырған қаһарлы соғыс қарулары аңызға бергісіз аты бар алып Ресеймен иығы тең күйде асқан ерлікпен соғысып жатыр. Украиндарға мұндай алапат күш-қуат қайдан келді? Меніңше, ұлттық рухтың құдіреті. Рухсыз елді жеңу оңай. Рухты елді сындыру оңай емес. Өткен аптада Астанаға бардық. Осы іссапар кезінде Украинаның елшілігіне жолығудың сәті түсті. Тура елшіліктің алдында гүлдер самсап тұр. Соғыстың басталуына бір жыл толуына орай қаза тапқандардың құрметіне украиндар гүл қойып жатыр екен. Бір жас жігітпен әңгімелестік, сауал қойдық. «Қалай, басқыншыларды жеңеміз бе?» – дедім. Көздері шоқтай жайнаған ұзынтұра жігіт: «Олар бізді ешқашан жеңе алмайды!» – деді зор сеніммен.

Соғыс деген сөздің өзі өте қорқынышты нәрсе ғой. Оның зардабын сөзбен жеткізу мүмкін емес. Мәселен Украин елшілігінде қаз-қатар суреттер ілулі тұр. Суреттің жартысында бұрынғы сап-сау ғимарат, ал екіншісінде сол ғимараттың қираған мүшкіл жағдайы көрсетілген. Жаның түршігеді, жүрегің ауырады. 10 миллионнан аса бала-шаға шетелге ауып кеткен. Қаншама адам қырылды. Бәрі де бір ақымақтың кесірінен. Ресей 44 рет соғысқа қатысқан. Екінші дүниежүзілік соғыс қана олар үшін әділетті соғыс болып есептеледі. Қалған соғыстың барлығында да орыстар басқыншы болған.

Бізге де орыстар құйтырқы сөздерімен қайта-қайта көз алартып отыр. Бір одақтамыз. Соған қарамастан олардың ниеті жаман. Өздеріне санкциядан санкция салынып есеңгіреп, өлімші халде жатса да жатып атқан өңшең қаныпезерлер. Өздерінің көрлерін өздері қазып жатқан жоқ па олар? Ал шынында да сондай болса ше? Әрине, ондай соғыстың бетін әрмен қылсын Аллам. Дегенмен біз оларға қарсылық ете аламыз ба? Қайдам... Ашық соғысқа шығатын отаншылдар шыға ма? Біз дайынбыз ба соғысқа? Әлбетте, соғыс қатал. Кімнің сатқын, кімнің отаншыл, патриот екенін анықтайды. Көзге көрінбейтін соғыстың хас шеберлері байшікеш сатқындар қашып жоғалады. Яғни тазарамыз. Әрине, бұл жаман айтпай жақсы деген кеппен айтып жатқанымыз ғой. Соғыс болмасыншы. Еліміз аман, бейбіт заман болсын! Соғыс ашамыз деп доңайбат көрсеткендер көрге кірсін! Еліміз рухты, намысшыл болғай! (Әріптесім, белгілі журналист, ақын Болат Шарахымбайдың «Украина, саған айтам, Қазақстан, сен тыңда!» мақаласын оқысаңыз, өкінбейсіз!) 

ЕРТАЙ АЙҒАЛИҰЛЫ
02.03.2023

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 329
2
Өркенді қала-қуатты өңірге жетелейді
Show more
Дахан Шөкшир - 2023-06-02 6433
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8045
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6512
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6649