Конституция күні аталып өтті

Конституция күні аталып өтті

30 тамыз – ҚР Конституциясы күніне орай «Ата Заңым – айбыным» атты салтанатты шара өтті. Оған облыс әкімі Серік Шәпкенов қатысып, тұрғындарды мерекемен құттықтады. Бұл туралы облыс әкімінің баспасөз қызметі хабарлады.

– Конституция – Отанымыздың берік іргетасы. Егемендігі баянды болып, әлемдік қауымдастықтың беделді мүшесіне айналған, демократиялық дамудың сара жолына түскен Қазақстанның саяси, әлеуметтік, экономикалық табыстарына негіз болып отырған да конституциялық қағидаттар. Ата Заңымыздың тарихи тамыры терең екені біз үшін мақтаныш әрі мәртебе. Бабаларымыз ежелден ақиқаттың байрағын желбіретіп, елімізде әділдіктің салтанат құрғанын құп көрген. Ата Заңға құрмет – егемендігіміз бен елдігімізге құрмет. Конституцияны тірек ету, заңды сыйлап, оған бағынатын саналы азамат боп қалыптасу – толеранттық, тұрақтылық пен ынтымақтың белгісі. Тәуелсіздігіміздің тірегіне айналған Конституция күні – біздерді елдікке, жасампаз істерге бағыттайтын айрықша дата. Баршаңызды осы қастерлі мерекемен шын жүректен құттықтаймын! – деді С.Шәпкенов.

Шарада Серік Шәпкенов түрлі сала қызметкеріне мемлекеттік марапаттарды табыс етті.

ҚР Президенті Қасым-Жомарт Кемелұлы Тоқаевтың 2024 жылғы 9 тамыздағы №619 «Қазақстан Республикасының мемлекеттік наградаларымен наградтау туралы» Жарлығына сәйкес, еліміздің құрылыс саласын дамытуға қосқан елеулі үлесі үшін «Атырау жолдары» ЖШС механизаторы Қайрат Айтмұхамбетов пен «ЭрЛи» ЖШС сарапшысы Сілемғали Смағұловқа «Құрмет» орденін тақты.

«БатысАльянсСтрой» ЖШС машинисі Рахымжан Қазиевке ІІІ дәрежелі «Еңбек Даңқы» ордені және «TSG Construction» ЖШС учаске бастығы Бауыржан Жұмағалиевке, «БатысСтройСервис» ЖШС инженер-құрылысшысы Сырым Молдағалиевке, «Павлодар өзен порты» АҚ учаске шебері Бауыржан Нұрғалиевке, еңбек ардагері Төлеп Орынбасаровқа «Ерен еңбегі үшін» медалін табыс етті.

 

НАҒАШЫБАЙ ҚАБЫЛБЕК
04.09.2024

Ұқсас жаңалықтар

Негізгі миссия - Заң және тәртіп
Бас прокуратураның баспасөз қызметі - 24.02.2025 579
ТҮРКІСТАН: ЖЕТІСАЙДА ЖАС ПОЛИЦЕЙЛЕР СЕНБІЛІККЕ АТСАЛЫСТЫ
Түркістан облысы әкімінің баспасөз қызметі - 10.02.2025 47
ТҮРКІСТАНДА БЕКЗАТ САТТАРХАНОВТЫҢ 45 ЖЫЛДЫҒЫНА АРНАЛҒАН ТУРНИР БАСТАЛДЫ
Түркістан облысы әкімінің баспасөз қызметі - 10.02.2025 2
ТҮРКІСТАН ОБЛЫСЫНДА БІР ЖЫЛДА 5 ЖАҢА ИНДУСТРИАЛДЫ АЙМАҚ ҚҰРЫЛДЫ
Түркістан облысы әкімінің баспасөз қызметі - 10.02.2025 20
ТҮРКІСТАН ОБЛЫСЫНДА ЖАУЫНГЕРЛЕР КЕЗЕКТІ ДАЙЫНДЫҚТАРЫН ЖҮРГІЗДІ
Түркістан облысы әкімінің баспасөз қызметі - 10.02.2025 27

Топ жаңалықтар

1
Ойынқұмарлық дендеп барады
Show more
- 2024-11-30 14721
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 13504
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 16797
4
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 15669
5
Өркенді қала-қуатты өңірге жетелейді
Show more
Дахан Шөкшир - 2023-06-02 20744