Мәнерлеп сырғанау: Денис Абайдың әніне өнер көрсетті

Латвиялық мәнерлеп сырғанаушы Денис Васильев 2022 жылғы Олимпиадада Абайдың «Айттым сәлем, Қаламқас» әніне өнер көрсетті. Ол осы сында 85,30 ұпай жинап, жетінші орын иеленді. Қысқы ойындар аясында 10 ақпанда ерлер арасында еркін бағдарламадан жарыс өтеді. Васильев қаңтардың аяғында өткен Еуропа чемпионатында қола медаль жеңіп алған болатын. Бұл  – оның карьерасындағы ең жоғары жетістігі және латвиялық мәнерлеп сырғанау тарихындағы ең үздік нәтиже-тін. Бейжің Олимпиадасы – Васильевтің карьерасындағы екінші Олимпиада. Ол Пхенчхан-2018-да 19-ы орынға ие болған. Оның жаттықтырушысы – қазақстандық мәнерлеп сырғанаушы Денис Теннің досы Стефан Ламбьель. Денистің Абай әнін таңдауына осы да себеп болуы ғажап емес.