2021 жылдың басында Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында ауылдардың, ауылдық округтерінің, кенттердің және аудандық маңызға ие қала әкімдерінің сайлауы өтетінін айтқан болатын.
Бүгін Жамбыл ауданы, Қарасу ауылдық округінде әкім сайлауы өтуде.
Округ екі елді мекен - Ащыбұлақ және Шайдана ауылдарынан тұрады. Округте 2073 тұрғын бар.
Ауыл азаматтары №176 сайлау учаскесіне келіп, өз дауыстарын беруде.
Сайлаушылар ішінде алғаш болып дауыс берген Есжан Әлімқұлов маңызды науқанға барша азаматтарды белсенді қатысуға шақырды.
Сайлау учаскесі бүгін таңғы сағат 7:00-ден басталып,
кешкі сағат 20:00-ге дейін жалғасын табатын болады.
Округте 1206 саулаушы тіркелген.
