Әрбір өркениеттің өріне қадам бастаған мемлекеттің ең басты тірегі, оның идеясы мен саясатын алға жетелеуші мемлекеттік қызметші екені белгілі. Бүгінгі таңда мемлекеттік қызметшіге үлкен жауапкершілік жүктеліп отыр.
23 маусым - мемлекеттік қызметшілер күні аудан әкімдігінің мәжіліс залында жиын өтіп, онда еңбегімен еленген мемлекеттік қызметшілер марапатталды.
Жиынға аудандық мәслихат төрағасы Мұхтар Шайдаев, аудан әкімінің орынбасарлары Махпал Досымбекова мен Ербол Жиенқұлов қатысып, мемлекеттік қызметші – мемлекеттік биліктің айнасы, қоғам эталоны болуы керек екендігін, кез келген қоғам мемлекеттік басқарусыз, яғни мемлекеттік қызметшілерсіз әрекет етуі мүмкін еместігін айтып, бірқатар мемлекеттік қызметшілерді құрмет төріне шығарды. Оларды кәсіби мерекесімен құттықтап, жұмыстарына сәттілік тіледі
