Оқушылар арасында сватингпен айналысу жиілеп кетті

Ведомствоның апталық брифингінде Ішкі істер министрлігі баспасөз қызметінің өкілі Шұғыла Тұрлыбек: «Жүргізілген талдау жұмыстары мұндай қауіптің басым көпшілігі шетелден түсетінін көрсетті. Интернетте «сватинг» деп аталатын, яғни өзге тұлғалардың атынан шұғыл қызметке жалған хабарламаларды жаппай таратумен айналысатын жасырын қауымдастықтар бар. Олардың уәжі әртүрлі: жеке кек алу, жанжал, басқа адамды әуре-сарсаңға салу. Қазақстандық оқушылар арасында да осындай топтарға әуестері бар. Сондықтан құқықтық тәртіп органдары ата-аналарға баласының интернеттен не қарайтынына мұқият болуы қажет. ІІМ арнайы органдармен бірігіп шетелдік құқық қорғау органдарымен, сондай-ақ қастық ойлаушылардың ІР-мекенжайларын, аккаунттарын және өзге де мәліметтерін анықтау үшін интернет-провайдерлермен белсенді жұмыс істейді. Тек қана соңғы екі айдың ішінде интернет арқылы жалған хабарлама таратқан 5 адам анықталды. Жалпы жыл басынан бері 28 адам мұндай әрекеттері үшін қылмыстық жауапкершілікке тартылған. Олардың 8-і бас бостандығынан айырылды», – деп мәлімдеді.