Оралдық оқырман отбасылар

Оралдық оқырман   отбасылар

Оралда «Балалар жылы» аясында «Халықаралық отбасы  күніне» орай «Бір отбасы – бір кітап» отбасылық байқауының қалалық кезеңі өтті. Бұл байқауда оқырман отбасы – Сәпиевтер жеңіске жетті. 

Мектеп кітапханаларының оқырман отбасылары арасындағы байқаудың мақсаты – балалар әдебиетінің шығармаларын насихаттау, олардың шығармашылық қабілеттерін, эстетикалық талғамдарын, тұлғалық сезім мәдениетін дамыту.  Байқауға қауымдастықтар бойынша таңдалған отбасылар қатысты. Қатысушылар «Біз ұсынамыз: отбасымыздың сүйікті кітабы», «Түймедақ», «Білім көзі – кітапта» бөлімдері бойынша өзара сынға түсті. Бұл бөлімдерде отбасылар өздерінің кітап көрмесін таныстырып,  әдеби сұрақтарға жауап беріп, білімнің кілті саналатын қымбат қазына – кітаппен қаншалықты дос екендіктерін байқатты. 

Оқырман отбасылар өз туындыларында білім алуға, өнер үйренуге шақырған Ы.Алтынсарин шығармаларын, Абай Құнанбайұлының даналыққа толы қара сөздерін оқуды ұсынды. Үлкен-кіші қызыға оқитын Шерлок Холмс пен дәрігер Ватсонның хикаялары, қиындықтан шығуға көмектесетін әлемдік деңгейдегі жазушылардың мотивациялық кітаптары да назардан тыс қалмады. 

Қазылар алқасының шешімі бойынша №19 ЖОББ мектебі кітапханасының оқырманы – Сапиевтер отбасы бірінші орынды жеңіп алды. Ал №50 ЖОББ мектебі кітапханасының оқырманы – Досқазиевтер екінші орынды иеленсе, №47  ЖОББ мектебі кітапханасының оқырманы Мақсұт жанұясы үшінші орынға ие болды. №32 ЖОББ мектебі кітапханасының оқырманы – Красиковтар «Алғыс хатпен» марапатталды.  Жеңімпаз Сәпиевтер отбасы  облыстық кезеңде Орал қаласының намысын қорғайды. 

Ләззат ҚАЖЫМОВА, БҚО Орал қаласы
19.05.2022

Ұқсас жаңалықтар

Әділ Қазақстан: Әлібидің азабы
Анықтама жасаған – Абзал Құспан, заңгер - 30.06.2022 183
Абылай хан туралы ащы щыңдық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т.ғ.к. - 30.06.2022 190

Топ жаңалықтар

1
Қарағанды облысының өнеркәсіпшілері өз өнімдерін Екатеринбургтегі халықаралық көрмеде ұсынды
Show more
Жомарт Шаймұрат - 2022-07-07 11
2
Қарағандыда Жақсыгелді Сейілов туралы көркем фильм көрсетілді
Show more
Жомарт Шаймұрат - 2022-07-07 19
3
982 тонна қоқыс: Қарағанды облысы Birge – taza Qazaqstan акциясын қолдады
Show more
Жомарт Шаймұрат - 2022-07-07 20
4
Басты мақсат – жас спортшылар қатарын көбейту
Show more
Ләззат ҚАЖЫМОВА БҚО Орал қаласы - 2022-07-06 72
5
«Алтынордалықтардың» алтыншы қойылымы
Show more
Ләззат ҚАЖЫМОВА, БҚО Орал қаласы - 2022-07-06 105