Ордабасы ауданы, Темірлан ауылындағы Аудандық орталық ауруханасында 70 жасар пациентке жамбас буынын эндопротездеу отасы жасалды.Науқас 25 ақпан күні тұрмыстық жарақат алып, жедел жәрдем бригадасымен аурухананың қабылдау бөліміне келіп түскен. Дәрігерлер қарауынан кейін жоспарлы түрде 2025 жылдың 1 наурыз күні оң жақ жамбас буынына цементпен биполярлы имплантпен эндопротез отасы жасалды. Ота сәтті өтті. Бүгінгі күнде науқастың жағдайы бірқалыпты.Бұл жоғары технологиялық операция түрі міндетті әлеуметтік медициналық сақтандыру жүйесі шеңберінде жүргізілді.Қазіргі таңда Ордабасы аудандық орталық ауруханасында травматологиялық көмектің барлық әдісін міндетті әлеуметтік медициналық сақтандыру жүйесімен тегін алуға мүмкіндік бар.
