Қазақстан Республикасының Франциядағы елшілігінің бастамасымен Париж қаласының 16-ы округінде орналасқан Ақындар гүлзарында Абайға орнатылған ескерткіш-бюстін ашу салтанаты өтті. Шара Қазақстан Тәуелсіздігі мен екі ел арасында дипломатиялық қатынастардың 30 жылдығына арналды. Мүсін Қазақстан-Франция іскерлік кеңесінің мүшелері Айдана Кәрібжанова мен Ги Сидостың мұрындық болуымен орнатылды. Мүсіннің авторы – Ербол Зиябеков. Салтанатты шараға Париж қаласы 16-ы округінің мэрі Франсис Спинэр, Нұр-Сұлтан қаласының әкімі Алтай Көлгінов, ҚР Франциядағы елшісі Жан Ғалиев, Франция астанасы мэрінің орынбасары Арно Нгатча және Франциядағы қазақ қайраткері туралы зерттеулермен айналысатын Альберт Фишлердің қызы Анна Глас сияқты меймандар қатысып, сөз сөйледі.
