Өткен нөмірімізде газетіміздің Бас редакторы, Қазақстан Жазушылар және Журналистер одақтарының мүшесі Ертай Айғалиұлының 70 жасқа толуына орай «Ұлттық рух жолындағы күрескер» атты тақырып аясында бір топ әріптестерінің құттықтауларын, игі тілектерін берген болатынбыз. Енді осы дүйсенбіде әріптесімізді ҚР Президенті Қасым-Жомарт Тоқаев құттықтады.
«Qazagstan dauiri» газетінің Бас редакторы E. Айғалиұлына
Құрметті Ертай Айғалиұлы!
Сізді 70 жасқа толған мерейтойыңызбен шын жүректен құттықтаймын! Жұртшылық өзіңізді қазақ балалар әдебиетін өркендетуге зор еңбек сіңірген қарымды қаламгер ретінде біледі. Сіз бірқатар белді басылымда қызмет істеп, ұлттық баспасөзді дамытуға мол үлес қостыңыз. Ұлт руханиятын көркейту жолындағы ерен еңбегіңіз үшін өзіңізге ризашылығымды білдіремін. Алдағы уақытта да оқырманның көңілінен шығатын тың туындылар жазып, төл мәдениетіміздің көкжиегін кеңейте бересіз деп сенемін. Әрдайым абыройыңыз асқақ, мерейіңіз үстем болсын!
Сізге мықты денсаулық, бақ-береке және толайым табыс тілеймін!
Қасым-Жомарт Тоқаев
