Әрбір адам «жақсы» деген мәртебеге ие болғысы келеді және «жақсылармен» жолдас, сұхбаттас, пікірлес болуды қалайды. Ендеше, «Ең жақсы адам деген кім?» деген сауалыңызға жауап табылды. Алланың Елшісі (Оған Алланың игілігі мен сәлемі болсын): «Сендердің ең жақсыларың – Құранды үйреніп, оны үйреткендерің», – деген. (Бұхари)
Ал енді осы адамдардың жақсылары хош иісті лимонға теңелген екен. Пайғамбарымыз (Оған Алланың игілігі мен сәлемі болсын): «Құран оқушы мүмін тамаша иісті және дәмді, тәтті лимон секілді, ал Құран оқымайтын мүмін иісі жоқ, бірақ дәмді құрма секілді. Құран оқитын екіжүзді хош иісті, бірақ дәмі ащы райхан секілді, ал Құран оқымайтын екіжүзді иісі де жоқ, дәмі де ащы өсімдіктің бір түрі секілді», – деген.
