Құрметті Сәуле Мешітбайқызы!

Құрметті Сәуле Мешітбайқызы!

Сізді және өзіңіз басқаратын ұжымды Тәуелсіздіктің қарлығашындай «Qazaqstan dauiri» халықаралық саяси-қоғамдық, танымдық газетінің 30 жылдық, «Мөлдір бұлақ» балақандар журналының 20 жылдық мерейтойымен шын жүректен құттықтаймыз.

Сондай-ақ осы айрықша даталармен сәйкес келген Өзіңіздің өмірлік белесіңізді де ұлтқа еңбек сіңірген тұлғаның қуанышы ретінде ілтипатпен асқақтата айтамыз.

Жасай беріңіз, елдің рухани жеңісі игілігін халықпен бірге көре беріңіз.

Ұлт пен рух жолындағы еңбек кімді болсын бей-жай қалдырмасы анық. Газет алғаш «Қазақстан-ZAMAN» атауымен жарияланғанын ешкім ұмытқан жоқ. Ел тәуелсіздігі мен тұтастығының айғағындай халықаралық басылым Қазақстан мен Түркия арасындағы ақпараттық құрал ретінде екі мемлекет арасына алтын көпір орнатуға септігін тигізді.

Халықаралық «Qazaqstan dauiri» газеті азаттық жылдары қаламгерлердің тұтас бір толқынын қалыптастырып, үлкен мектеп орнықтырғанын халық жақсы біледі.

Газеттің тұңғыш бас редакторы Қалтай Мұхамеджанов ұлт мүддесін басты орынға қойып, көкейкесті мәселелерді көтергені кейінгілерге әрі өсиет, әрі аманат болғандай. Мұнан кейін бұл басылымды Болат Бодаубай, Жұмабай Шаштайұлы, Марат Тоқашбай, Ахмет Аляз басқарып, жаңа деңгейге көтерді. Ұлттық мәселелер үздіксіз көтеріліп, басылымның беделі өсті. Бас редактор ретіндегі Ертай Айғалиұлының маңдай терін отандық БАҚ-тың шеберлік мектебі деп санаймыз.

Сенім үдесінен шыға білген газеттің бүгінгі басшысы – Өзіңіз шығармашылық пен елшілдіктің тың тынысын ашқаныңызды ерекше айтамыз. Бұл орайда бас директор, Қазақстанның еңбек сіңірген қайраткері орайындағы елеулі бастамаларыңызды, ерік-жігеріңізді жастарға үлгі етеміз.

Газет пен журнал ұжымына шығармашылық табыс, жасампаз ізденіс пен елдік абырой тілейміз. Мерейлі күндеріңіз мерейлі жылдарға, кезеңдерге, дәуірлерге ұлассын. Қазақстан БАҚ саласы өсіп-өркендей берсін!

Құрметпен, Дихан ҚАМЗАБЕКҰЛЫ, «Егемен Қазақстан» РГ» ЖШС бас директоры
29.09.2022

Ұқсас жаңалықтар

АРЫСҚА ШЕТЕЛДІК ИНВЕСТОРЛАР КЕЛДІ
Түркістан облысы әкімінің баспасөз қызметі - 28.03.2024 63
ҚАЗАҚТЫҢ ЖАНЫ – ДОМБЫРА
Дәулетбек Байтұрсынұлы - 28.03.2024 116
ОТАНСЫЗ ЖЕТІМ, ДІНСІЗ БАҚЫТСЫЗСЫҢ
Нұрлан Байжігітұлы - 28.03.2024 48
АППАРАТТЫҚ КЕҢЕСТЕ
Шу ауданы әкімдігі - 28.03.2024 39

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 343
2
Өркенді қала-қуатты өңірге жетелейді
Show more
Дахан Шөкшир - 2023-06-02 6445
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8157
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6526
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6661