Шабондаздарға сәттілік!

Шабондаздарға сәттілік!

Бүгін елордалық «Қазанат» ипподромында «AMANAT» партиясының ұйытқы болуымен ұйымдастырылған «Ұлы Дала Жорығы» тұңғыш республикалық марафон-бәйгесінің ашылуы өтті. Мемлекет басшысы Қасым-Жомарт Кемелұлы Тоқаев еліміздің түкпір-түкпірінен келген шабандоздарға арнайы құттықтау жолдап, сәт сапар тіледі.

«Қазақ пен жылқы – егіз ұғым. Арғымақ атты халқымыздың символы деуге болады. Біз қазіргі заманның жақсы қасиеттерін бойға сіңіре отырып, ұлттық болмысымызды жаңғыртуға тиіспіз. Бүгінгі бәйгенің басты мақсаты – осы. Бұл – нағыз азаматтар мен қазанаттар сыналатын дода. Сондай-ақ, елімізге рухани серпіліс әкеліп, жастарды отаншылдыққа баулитын бірегей жоба. Аламан бәйге ұлтымыздың рухын асқақтатып, мерейін асыра түседі деп сенемін», – делінген Президент құттықтауында.

Мемлекет басшысы Қасым-Жомарт Кемелұлы тарихымызды зерттеп, рухани құндылықтарды дәріптеуге әрдайым ерекше мән беруде. Бүгінгі аламан жарыс соның айқын дәлелі.

Бұл марафонның маңызы – халқымыздың мыңжылдықтарға созылған тарихы мен төл мәдениетін жаңғыртуында. Осы идеяны ұсынып, марафон-бәйгені өткізуге қолдау білдіргендегі мақсат – елімізді Ұлы Даланы мекен еткен көшпенділер өркениетінің мұрагері ретінде таныту болатын. 

Бұған қоса, Қазақстанның бай тарихы мен руханиятын зерделеу, сұлу табиғатын сақтауға шақыру, Ұлы Даланың тарихи-мәдени ескерткіштерін Қытайдағы Ұлы Қытай қорғаны, Египеттегі Мысыр пирамидалары, Италиядағы Рим колизейі, Ұлыбританиядағы Стоунхендж ескерткіші секілді танымал туристік орталықтарға айналдыру.

Жарысқа қатысушылар 1 200 шақырым жүріп, киелі Түркістанға ат басын тірейді. Күн сайын 100 шақырым жолды еңсеретін шабандоздар көшпенді ата-бабамыздың қайраты мен қайсарлығын көрсетуге дайын. Қиындыққа мойымайтын осындай айбатты азаматтар барда еңсеміз биік, мерейіміз үстем!

Бұл марафон-бәйге еліміздің ат спорты мен туризмінің отаны ретінде танытып, туристік әлеуетін арттыруға, ұлттық спортқа тың серпін беріп, оны әлемдік деңгейдегі мемлекеттік бренд ретінде қалыптастыруға жол ашады деп сенемін.

 

Ертең «Ұлы Дала Жорығына» аттанатын шабандоздарға оң сапар тілеймін! Халқымыз айтпақшы, ат бәйгелі болсын!

Ерлан ҚОШАНОВТЫҢ ФБ парақшасынан
17.09.2022

Ұқсас жаңалықтар

САРЫСУДА АСАРЛАТҚАН ҮЙ БЕРІЛДІ
Сарысу аудан әкімдігі баспасөз қызметі - 02.10.2022 19
Перзенттік парыз
Талас аудан әкімдігі - 02.10.2022 15
 ЖЕҢІМПАЗДАРДЫ ҚҰТТЫҚТАЙМЫЗ
Жамбыл ауданы - 02.10.2022 16
"Атырау - бақытты балалар мекені"
Атырау Қалалық Мәдениет Бөлімі - 02.10.2022 19
Үндемей қалуға ықтиярым жоқ
Тұрсынтай ҚАЛДАРБЕКОВ, зейнеткер, Жамбыл облысы Мойынқұм ауданы - 30.09.2022 157
Қазақстан Республикасының  Президенті Қасым-Жомарт Тоқаев мырзаға  Қазақ баспасөзі мерзімді басылымдары басшыларының Ашық хаты: «Қазақ баспасөзі:  бүгіні және ертеңі»
«Qazaqstan dauiri» мен «Мөлдір бұлақ журналының «Қазақ баспасөзі: Бүгін және ертең» атты конференциясы Алматы қаласы, 23 қыркүйек 2022 жыл - 30.09.2022 193
Өткеннің ертегісін емес, дәуірдің ертеңін ойлайық!
Дәулетбек БАЙТҰРСЫНҰЛЫ, ақын, ҚЖО-ның мүшесі. ҚР Ақпарат саласының үздігі, Түркі дүниесі ақындары жыр мүшәйраларының жеңімпазы - 30.09.2022 183
Саяси және гуманитарлық мәселе
Мұхтар Түменбаевтың ФБ парақшасынан - 29.09.2022 241
Шерхан МҰРТАЗА - 90
Мұртаза ЖАЛҒАСТЫҢ ФБ парақшасынан - 28.09.2022 290
ШЕР-АҒАҢНЫҢ ДАУСЫ...
Оралхан ДӘУІТТІҢ ФБ парақшасынан - 28.09.2022 271

Топ жаңалықтар

1
Ералы Тоғжанов Ақтөбе облысының ұстаздарын кәсіби мерекелерімен құттықтады
Show more
Ақтөбе облысының баспасөз қызметі - 2022-10-01 207
2
Бізге қай жол керек: революциялық па, эволюциялық па?
Show more
Ермек Сахариев - 2022-09-30 166
3
Кәсіпқой бокс: Головкиннің келесі қарсыласы белгілі болды
Show more
Ермек Сахариев - 2022-09-30 168
4
Үкімет басшысының мұнысы несі?
Show more
Нағашыбай ҚАБЫЛБЕК - 2022-09-30 176
5
Үндемей қалуға ықтиярым жоқ
Show more
Тұрсынтай ҚАЛДАРБЕКОВ, зейнеткер, Жамбыл облысы Мойынқұм ауданы - 2022-09-30 157