Сұлтанбаев шығармашылығы мәңгілікке жол тартты

Жуырда Алматы қалалық архивінде қор құраушы ҚР Халық артисі, «Тамашаның» тарланы Құдайберген Сұлтанбаевтың арнайы бұрышы ашылып, шараға еліміздің мәдениет-өнер қайраткерлері, замандастары, шәкірттері қатысты. Әйгілі өнерпаздың өмірі мен шығармашылығы туралы тамаша естеліктер айтылды. Өзі салған суреттерден көрме қойылды. Осылайша өнері ел жадында қалған Қ.Сұлтанбаевтың шығармалары, фотолары мен жеке мүліктері архив қорына орналасып, мәңгілікке шеру тартты.