Сурдлимпиада күнделігі: Еркін күрестен 5 медаль

Сурдлимпиада күнделігі:  Еркін күрестен 5 медаль

Дене мүмкіндіктері шектеулі тұлғаларға арналған спорттық даярлау орталығы: «Бразилияда өтіп жатқан XXIV жазғы Сурдлимпиада ойындарында еркін күрестен  қазақстандық балуандар қанжығаға 5 медаль байлады.Оның 1-еуі – алтын, 3-еуі – күміс, тағы 1-еуі – қола», – деп хабарлайды. Алтын медальды 125 келі салмақта өнер көрсеткен Хайратхаан Шонку жеңіп алды. Биылғы Сурдлимпиада ойындарында Хайратхаанның бұл екінші алтын жүлдесі. Осыған дейін ол грек-рим күресінде 130 келі салмақта сынға түсіп, ақтық финалда түрік палуаны Мехмет Юсалды айқын басымдылықпен ұтқан-ды. Осы күрес түрінен Асылан Тажиев (97 кг) күмісті еншілесе, Нуржан Асан (77 кг) мен Алдияр Балташев (60 кг) қола медальға қол жеткізген.  Ал, еркін күрес түрінен алтын алған Х.Шонкуден басқа, Ғабит Есжанов (57  кг),  Сабыржан Рсалы (70 кг) және Ғасыр Тұрғынбай (74 кг) күміс жүлдені иеленсе, Бексұлтан Малайдар (92 кг) қола медальға қол жеткізді. Ал, Шадияр Пернеш (60 кг) пен Мухтар Есенғосұлы  (97 кг) бесінші орыннан көрінді. Сондай-ақ, әйелдер арасында 4х400 метрлік қашықтықта эстафетада өнер көрсеткен қазақстандық атлеттер  Фаина Меирманова, Ольга Хижнякова, Яна Сибирякова және Елена Путинцева 4 орыннан көрінді. Биіктікке секіруден сыңға түскен Фаина Меирманова 159 см нәтижесімен 5 орынға ие болды. Бұған дейін атап өткеніміздей, Сурдлимпиаданың алғашқы алтынын құрама қоржынына жеңіл атлет Фархад Қыстаубаев салған еді. Ол онсайыста 5400 ұпай жинап, Қазақстан үшін алғашқы алтынды жеңіп алған. Фархад бұдан басқа 110 метрге кедергімен жүгіруде қола медальға қол жеткізген.  Ал, жерлес аруымыз Ольга Хижнякова жеңіл атлетикада ядро лақтыруда күміс медальды еншілеген. Қазақстандық таеквондошы Виктор Фрундин +80 келі салмақта қола медальға қол созған. Ал қыздар арасында таеквондошы қызымыз Аида Макатова 67 келіде 5 орыннан көрінген. Бразилияның Кашиас-ду-Сул қаласында өтіп жатқан Сурдлимпиада ойындары 15 мамырда өз мәресіне жетті. 

Ермек Сахариев
19.05.2022

Ұқсас жаңалықтар

Әділ Қазақстан: Әлібидің азабы
Анықтама жасаған – Абзал Құспан, заңгер - 30.06.2022 183
Абылай хан туралы ащы щыңдық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т.ғ.к. - 30.06.2022 190

Топ жаңалықтар

1
Қарағанды облысының өнеркәсіпшілері өз өнімдерін Екатеринбургтегі халықаралық көрмеде ұсынды
Show more
Жомарт Шаймұрат - 2022-07-07 6
2
Қарағандыда Жақсыгелді Сейілов туралы көркем фильм көрсетілді
Show more
Жомарт Шаймұрат - 2022-07-07 6
3
982 тонна қоқыс: Қарағанды облысы Birge – taza Qazaqstan акциясын қолдады
Show more
Жомарт Шаймұрат - 2022-07-07 4
4
Еңбектенемін деген жасқа мүмкіндік мол
Show more
Ләззат ҚАЖЫМОВА БҚО Орал қаласы - 2022-07-06 75
5
Дәстүрлі спартакиада
Show more
Ләззат ҚАЖЫМОВА БҚО Орал қаласы - 2022-07-06 75