20 мамырда 16:17-де 101 пультіне Тараздағы Р.Қошқарбаев көшесіндегі тұрғынүйлердің аумағында "Газель" автокөлігі өртке оранғандығы жөнінде хабарлама келіп түсті.
Шақырту орнына Жамбыл облысы төтенше жағдайлар департаменті Өрт сөндіру және авариялық-құтқару жұмыстары қызметінің күштері мен құралдары - 21 қызметкер және 5 бірлік техника жетті.
Өрт 16:57-де ауыздықталып, 17:11-де сөндірілді. Қаза болғандар жоқ, бір адам зардап шекті. Оның қолы күйген, жедел жәрдем қызметкерлері алып кетті.
Өрттің себебі анықталып жатыр.
