ТМД үкімет басшылары кеңесі отырысының қорытындысы бойынша өткен брифингте ҚР Премьер-Министрі Әлихан Смайылов: «Аталмыш кеңестің кезекті отырысын 2023 жылы маусымда Сочи қаласында өткізу туралы шешім қабылданды. Кеңестің 2023 жылы Достастық органдары мен жекелеген іс-шараларды қаржыландыруға қатысты қаржылық-бюджеттік мәселелер де қаралды. Қазақстандық тарап бүгінгі іс-шараның қорытындыларына қанағаттанды. Ол мемлекеттеріміз бен халықтарымыздың игілігі үшін ынтымақтастықты нығайту жолындағы кезекті қадам болатынына сенімдіміз»,– деді.
