Бүгін Сарысу ауданы әкімдігінің денешынықтыру және спорт бөлімі, бұқаралық спорттық іс-шаралар өткізу орталығының ұйымдастыруымен Жаңатас қаласындағы спорт кешенінде 1 наурыз – Алғыс айту күні мерекесіне орай ерлер мен әйелдер арасында үстел теннисінен аудандық біріншілік өтті.
Сондай-ақ, аталған турнир Жаңатас қаласының 55 жылдығы аясында өткізіліп отыр.
Тартысты өткен жарыстың жеңімпаздары мен жүлдегерлері ұйымдастырушылар тарапынан арнайы дайындалған кубоктарға ие болып, дипломдармен және медальдармен марапатталды.
