Семей қаласының әкімі Бақытжан Байахметов Талица ауылының тұрғындарымен кездесті. Мұнда жергілікті маңызы бар Семей – Талица автожолының ағымдағы жөндеу жұмыстары аяқталуда. Учаскенің жалпы ұзындығы 32 км құрайды.
Тұрғындар жөндеу жұмыстарын көптеген жылдар бойы күтті, себебі автожол салынғаннан бері ондаған жылдар бойы мұнда жөндеу жұмыстары жүргізілген жоқ.
Құрылыс кезінде белгілі бір қиындықтар болды. Су тасқыны кезеңі мен сол жерлердің сортаң болуына байланысты, еріген қар топыраққа терең еніп, онда асфальт негізін сапалы дайындауға мүмкіндік бермейтін тұңғиықтар, суы бар терең шұңқырлар пайда болды. Бұл мәселені шешу үшін жол жөндеу қызметкерлері мұндай жерлерді терең қазып, тастармен үлкен тасты топырақпен толтырды. Содан кейін олар негіз толығымен құрғағанша және нығайтылғанша күтті.
Енді құрылыстың барлық кезеңдері аяқталды, қалыңдығы 5 см және ені 6 метр асфальт төселді. Тас жолының ашылуына орай салтанатты лентаны ардагер Виктор Дранкин мен мектеп оқушысы Арсен Мейрамбаев қиды.
«Біз жол жөндеу жұмыстарын көптен бері күттік. Бұл жол біз үшін үлкен маңызға ие. Біз қалаға жиі барамыз, базарға ет немесе көкөністерді сатуға апарамыз», – дейді ауыл тұрғыны Әсел Абдибекова.
Семей қаласының әкімі тұрғындарға ауылды абаттандыру бойынша алдағы жоспарлар туралы айтып берді. Биылғы жылы «воркаут» элементтері бар балалар ойын алаңының құрылысы жоспарланған. Сондай-ақ, жыл соңына дейін Талица ауылының көшелері жарықтандырылады.
«Өмір бір орында тұрмайды. Біз Семейдің шет аймақтарын қолдау үшін кез келген мүмкіндікті қарастырудамыз. Сәуір айында біз мектептеріңізге физика кабинетіне арналған жабдық сатып алдық. Мұнда жақсы жол салынды. Бұл жерлерде көптеген туристік нысандар, шаруа қожалықтары бар. Енді автобустар бұл жолмен оңай қозғалады, жол жүру уақыты қысқарады. Өткен жылдың жазында біздің алғашқы кездесуімізде сіздер жолды жөндеуді сұрадыңыздар. Сіздердің өтініштеріңіз бен тілектеріңізді орындай алғанымызға қуаныштымын», – деді Бақытжан Байахметов.
Қала әкімі екі жылдан кейін Талица ауылында су құбыры пайда болатынын айтты. Жобалық-сметалық құжаттаманы әзірлеуге шарт жасалды. Сараптаманы алу мерзімі ағымдағы жылдың тамыз айы деп күтілуде.
