Өткен жылдан бастап Жамбыл облысының аудандарында облыс әкімінің қолдауымен мәдениет күндері ұйымдастырылып келеді. Жуырда Жамбыл облысы әкімінің қолдауымен өткен мәдениет күндері қарсаңында Т.Рысқұлов ауданы Ақыртөбе ауылы тұрғындарының игілігіне 140 орындық мәдениет үйі қолданысқа берілді.
Ақыртөбеліктерге әлеуметтік нысанның кілтін ресми табыстауға облыс әкімі аппаратының басшысы Лесбек Құралбайұлы қатысып, ауыл тұрғындарын құттықтады.
100-ден аса тұрғындар жиналған табыстау рәсімінде ауыл тарихы таныстырылып, мәдениет бөлімі тарапынан ретро әндер ұсынылды.
«Ауыл ел – бесігі» жобасы аясында бой көтерген нысанның сметалық құны 345 млн теңгені құрайды. Құрылысын жүргізген – «АКGEM-GROUP» ЖШС.
Шара барысында аудан әкімі Ернар Есіркепов жаңа нысанға күйсандық сыйлады.
