Астана маңындағы жағажайлар талапқа сай емес

Астана маңындағы жағажайлар талапқа сай емес

Жаз айы келіп, күн жадырай сала бала-шағасын ерткен ата-ана  жағажайларды  жағалап кететіні рас. Демалыста күнге қыздырынып, көңіл көтергенге не жетеді, шіркін! Шетел асып, ақшаны сыртқа шашқанша, бір тиын болса да қаржының өз елімізде қалғаны жақсы. Ол үшін демалыс орындарын көбейтіп, шомылатын өзендердің тазалығына мән беру – басты міндет.  Биыл да Астанада әдеттегідей 1 маусым күні шомылу маусымы ресми түрде ашылып, ол қыркүйекке дейін жалғасатыны белгілі болды. 

Алайда Астана төңірегіндегі жағажайлар қандай күйде? Судың реңі талапқа сай ма, тазаланған ба?   Бұған қарап жатқан адам аз. Өзен болса болды дегендей, күмп беріп жүзе жөнелуге дайын көпшілік.  Өзге өңірлерді қайдам, елордадағы адам шомылатын өзендердің сапасы сын көтермейтіні айтылуда.  Анау-мынау емес,  мамандар дабыл қағуда.  Елордалық Санитарлық-эпидемиологиялық бақылау департаменті бөлімінің басшысы Әлсия Кәшкенова былай дейді: «Суға түспес бұрын ол жерде шомылуға қауіпсіз екенін анықтап алған дұрыс. Жағажайдың түбін алдын ала тексеріп, сондай-ақ төтенше жағдайда көмекке келетін адам табылатынына көз жеткізіп барып шомылуыңыз керек. Отбасының қауіпсіздігі үшін арнайы шомылу орындарында демалған  дұрыс. Нұр-Сұлтан қаласының Санитарлық-эпидемиологиялық бақылау департаменті жазғы кезеңде қала шегінде орналасқан, оның ішінде шомылуға және демалуға арналған орын ретінде пайдаланылатын ашық су қоймалары суының сапасына зертханалық зерттеулерге су іріктеумен мониторинг жүргізді». 

 Әйтсе де тексеріс қорытындысы көңіл көншітпейді. Зертханалық зерттеулердің нәтижелері бойынша Есіл, Ақбұлақ, Сарыбұлақ өзендерінен және Нұра-Есіл арнасынан алынған барлық су сынамаларында санитариялық-химиялық көрсеткіштер бойынша сәйкессіздіктер анықталған. Атап айтқанда, түсі бойынша 2,71 есе, темір мөлшері бойынша 2,3 есе және оттегін химиялық тұтыну бойынша (ХПК) 1,87 есе асып кету анықталған. Шомылудан кейін жағымсыз салдардың алдын алу үшін қарапайым жеке гигиена ережелерін сақтау керек, яғни мүмкіндігінше тезірек гигиеналық душ қабылдап және ешқандай жағдайда су қоймаларынан су ішпеу керек.

Сондай-ақ, СЭБД өкілі тұрғындарға белгіленбеген жерлерде шомылмауды қатаң ескертті.  «Белгілі бір жерде шомылып, демалу үшін су айдындарындағы судың сапасын өндірістік зертханалық бақылауды қамтамасыз ету бойынша қажетті жұмыстар жүргізілген аймақтарды ғана таңдаңыз. Бұл сізге денсаулығыңыз үшін еш уайымдамай, толыққанды, сапалы демалуға кепілдік береді. Сондай-ақ, су қоймасында шомылуға тыйым салатын арнайы ақпараттық белгілерге жіті назар аудару қажет», – дейді ол.

Жаратқан Иеміз де сақтансақ қана сақтайды.  Ескертпелерге құлақ асып, сақтанып жүрейік, ағайын!

 

Нағашыбай Қабылбек
09.06.2022

Ұқсас жаңалықтар

Аудан әкімі тұрғындарды қабылдады
Қордай ауданының әкімдігі - 18.08.2022 15
Халықтың талап-тілегі ескерусіз қалмайды
Жуалы ауданының әкімі Жалғас Мұртаза Әлижанұлы - 18.08.2022 42
Жамбылда биыл 22 890 оқушы 1-сыныпқа барады
Тараз Жиырма Төрт - 18.08.2022 15
МӘМС – халыққа тиімді жоба
Сұхбаттасқан – Тілекгүл ЕСДӘУЛЕТ - 18.08.2022 72
Шерхан және Мұсатай
Доқтырхан Тұрлыбек, жазушы, Халықаралық «Алаш» әдеби сыйлығының лауреаты - 17.08.2022 184
Әбілқайыр хан және Күсеп батыр
Самат ӨТЕНИЯЗОВ, Әл-Фараби атындағы ҚазҰУ, т.ғ.к. - 11.08.2022 328
Сіз қандай қариясыз?
Мақұлбек МАЛДАРБЕКОВ, Қазақстанның құрметті журналисі - 11.08.2022 340

Топ жаңалықтар

1
Орталық Азиядағы ең үлкен мешіт Нұр-Сұлтанда
Show more
Ермек САХАРИЕВ - 2022-08-18 120
2
Руслан Жақсылықов Мәскеуге барды
Show more
Ермек САХАРИЕВ - 2022-08-18 116
3
Әсерлі саяхат
Show more
Ләззат ҚАЖЫМОВА БҚО Орал қаласы - 2022-08-18 97
4
МӘМС – халыққа тиімді жоба
Show more
Сұхбаттасқан – Тілекгүл ЕСДӘУЛЕТ - 2022-08-18 72
5
Жұмыссыздарға арналған жобалар
Show more
Ләззат ҚАЖЫМОВА БҚО Орал қаласы - 2022-08-17 116