2023 жылдың 26 қыркүйек күні Жуалы ауданының 95 жылдық мерейтойына, «Әулиеата жастары» өңірлік бағдарламасын жүзеге асыру аясында және жастардың бос уақытын тиімді пайдалана отырып, интелектуалды деңгейін арттыру, өлкенің тарихы мен мәдениетін терең білуге тәрбиелеу мақсатында «DASTUR IQ» атты интеллектуалды квест ойыны өткізілді.
Ойынға ауыл және ауылдық округтердің жастарынан құралған 10 команда қатысты. Ережеге сәйкес қатысушылар Б. Момышұлы ауылындағы «Жасай бер, Қазақстан!», «Орталық балалар кітапханасы», «Аудандық спорт кешені», «Орталық саябақ» және Қайрат ауылындағы «Б. Момышұлы атындағы мұражайына» барып тапсырмаларды орындады.Ойын қорытындысына сәйкес, ұпай санының басымдылығына байланысты l орында Көкбастау ауылдық округінің жастарынан құралған «Алау» командасы, II орынды Нұрлыкент ауылдық округінің «Болашақ» командасы иеленді. Ұпай сандары тең болған Ақсай ауылдық округінің «Ақсай» және Билікөл ауылдық округінен келген «Бастау» командалары III орынға жайғасты.Ойынға қатысқан барлық қатысушыларға ұйымдастырушылар тарапынан алғыс хаттар, жеңімпаздарға дипломдар және ынталандыру сыйлықтары табысталды.
