«Балалық шаққа инвестиция» форумы не шешеді?

«Балалық шаққа инвестиция» форумы не шешеді?

Білімді, жан-жақты,  қабілетті ұрпақ – ұлтымыздың баға жетпес қазынасы. Еліміздің болашағының жарқын болуы өскелең ұрпақтың білімі мен тәрбиесіне байланысты. Ал «тәрбие тал бесіктен» басталса, білім баспалдағы балабақшадан басталады. Шындығында, ел дамуы білім сапасына тығыз байланысты.  Сондықтан болар, бүгінде технология дамыған заманда бәсекеге қабілетті, білімді жастарды, мықты мамандар мен білікті кадрларды даярлау – күн тәртібінде тұрған мәселелердің бірі. Бұл тұрғыда, ұрпақ тәрбиесімен айналысып келе жатқан мектепке дейінгі білім беру мекемелері мен балабақша ұйымдарындағы маңызды мәселелерді анықтап, оларды шешу жолдарын ұсыну жоғары маңызға ие болып отыр.

Заманауи балабақшалардың мәселесін қарап, құзыретті ұйымдарға ұсыныс білдіру күн  тәртібінде тұр. Атап айтқанда,  заманауи үлгіде салынған балабақшалар мен баланың жасына лайықты, оған қызықты да пайдалы болатын және оның дамуына ықпал ететін ойыншықтар жоқтың қасы.

 Сонымен қатар, балалар әдебиетінің бүгінгі ахуалы да көңіл көншітерлік емес. Салдарынан балабақша балаларына үйрететін заманауи тақпақтар мен ертегілер де жоқ. Бүгінгі заман басқа. Туындылар заманауи тұрғыда түрлену қажет. 

 Одан кейінгі мәселе – балабақшалардағы тамақтану жағдайы. Жалпы балаларды қалай тамақтандырып жүрміз? Балаларымыз әсіресе ұлттық тағамдардан нәр алса деген арманымыз орындалмай тұр. Қай жағынан алып қарасақ та, мәселе шаш етектен. 

 «BilimInvest» білім беру саласындағы инвесторлардың ұлттық қауымдастығы» жеке кәсіпкерлердің және заңды тұлғалардың бірлестігі 26 сәуір күні Алматы қаласында жекеменшік балабақша құрылтайшыларына арналған «Балалық шаққа инвестиция» атты ІV республикалық форум ұйымдастырып отыр. Бүгінде «Bilim Invest» Ұлттық республикалық қауымдастығына 538-ден астам балабақша мен 17 мектеп мүшелікке кіреді. 

Аталмыш форумға: Қазақстан Республикасы Оқу-ағарту министрлігінің арнайы өкілі, Қазақстан Республикасы Оқу-ағарту министрлігінің «Балаларды ерте дамыту институты», «Атамекен» ҚР Ұлттық Кәсіпкерлер палатасы, Республика бойынша «Мектепке дейінгі білім беру мекемелері мен балабақша ұйымдарының» құрылтайшылары, қоғам және мемлекет қайраткерлері, Білім саласының мамандары және БАҚ өкілдері қатысады деп күтілуде. Сондай-ақ, форумда мамандардың жұмысы, тәрбиешілердің біліктілігі мен мәртебесі, ауыл-аймақтарда 4 топтық балабақшалардың жетіспеушілігі, мемлекеттік бағдарламалардың жүзеге асуы туралы мәселелер қамтылмақ.

 

Жарқынай БАККУМЕК
14.06.2024

Ұқсас жаңалықтар

Топ жаңалықтар

1
«Балалық шаққа инвестиция» форумы не шешеді?
Show more
Жарқынай БАККУМЕК - 2024-06-14 1587
2
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 1129
3
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 2525
4
Ойынқұмарлық дендеп барады
Show more
Аққу СӘЛІМБЕК - 2024-06-10 2125
5
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 3325