Мемлекеттік кірістер комитеті: «Жыл басынан бері мемлекеттік бюджетке салық түсімдері бойынша жоспар 103,4 пайыз орындалды. Жоспар 11 316,8 млрд теңгеге белгіленіп, 382 млрд теңгеге асыра орындаумен 11698,8 млрд теңге түскен. Бұл өткен жылғы ұқсас кезеңмен салыстырғанда 1,4 есе немесе 3 400,2 млрд теңгеге өскенін көрсетеді. Мұның ішінде республикалық бюджет 101,1 пайыз орындалды, өткен жылғы ұқсас кезеңімен салыстырғанда 1,5 есе немесе 2 518,5 млрд теңгеге өсті. Жергілікті бюджет 108,5 пайыз орындалды, былтырғы ұқсас кезеңмен салыстырғанда 30,8 пайыз немесе 881,7 млрд теңгеге өсті», – деп хабарлайды.
Ведомствоның хабарламасында: «Түсімдердің өсуіне мынадай факторлар әсер етті: 2022 жылы 10 айда өткен жылғы ұқсас кезеңмен салыстырғанда негізгі экспорттық позицияларға, оның ішінде мұнайға 46,9; мырышқа 21,9; алюминийге 13,9 және алтынға 0,6 пайыз бағаның өсуі байқалады. Шикі мұнайға салынатын кедендік әкету бажының мөлшерлемесі 43,1 пайызға өсті. Ағымдағы жылғы 10 айда үшінші елдермен тауар айналымы 43,6 пайызға өсті (экспорт 48,3%-ға, импорт 32,5%-ға өсті). Өткен жылғы ұқсас кезеңмен салыстырғанда жыл басынан бергі өткізу бойынша айналым 22 пайызға ұлғайды», – делінген.
