Ақын да, батыр да анадан туған. Сондықтан, талбесіктен тәрбие беретін келіндердің шеберлігін шыңдау – өнегелі іс. Осыны мақсат тұтқан мойынқұмдықтар жас келіндер арасында сайыс өткізген болатын. Ауданымыздың Жамбыл ауылында өткен байқауда озық өнер, білімімен Қарабөгет ауылдық округі әкімі аппаратының бас маманы Айдана Динистанова да сынға түсті.
Қарабөгет ауылының келіні, отбасының берекесі, үш баланың анасы Айдана байқаудың сиыр сауу кезеңінде 2 минутта 3,5 литр сүт сауып, келіндер арасында жоғары көрсеткішке қол жеткізді.
Бұл байқауда ұлтымызға тән барлық жақсы қасиеттер бойынан табылатын қазақ келіндері халқымыздың әдет-ғұрып, салт-дәстүрін насихаттап, ұлттық тағам түрлерін әзірлеу бойынша бақ сынады. Сондықтан мұндай сайыстардың тәрбиелік мәні зор.
