Бірыңғай кешенді бағдарлама шеңберінде моно- шағын қалалар мен ауылдардағы ШОБ субъектілерін қолдау мақсатында "Даму" Қоры субсидиялау және кепілдік беру құралдарын ұсынады.
Бұл бағыт бойынша кәсіпкерлер салалық шектеусіз несие ала алады.
Субсидиялау құралына сәйкес несиенің ең жоғары сомасы инвестицияның нысаналы мақсатымен 1,5 млрд теңгеден аспайтын, айналым қаражатын толықтыруға 500 млн теңгеге дейін болады. Өңдеу өнеркәсібінде жоба жүзеге асатын болса, қарыз алушы үшін сыйақы мөлшерлемесі жылдық 7%, қызмет көрсету және сауда саласында 10% құрайды.
Кепілдік беру құралы бойынша несиенің максималды сомасы:
жұмыс істеп тұрған кәсіпкерлер үшін инвестициялар үшін 1,5 млрд теңгеден артық емес және айналым капиталын толықтыру үшін 500 млн теңгеден артық емес. Кепілдік мөлшері несие сомасының 50% құрайды. жаңадан бастаған кәсіпкерлер үшін 360 млн теңгеден аспайды, кепілдік мөлшері несие сомасының 85% - на дейін.Бағдарламаға қатысу үшін кәсіпкерлер қаржыландыруды ұсынуға өтініммен банкке жүгінуі қажет. Бағдарламаның шарттарымен толығырақ сайттан танысуға болады damu.kz
