Берекелі күздегі қазан айының алғашқы сенбісінде ұстаздар күнін атап өтіп, ұлағатты мамандық иелеріне арналған салтанатты шараға қатысып, облыс әкімі Ербол Қарашөкеевтің ұстаздарға деген ілтипатын көрдім.
Оқушы жүрегіне ізгілік дәнін сепкен ұлағатты, парасатты жандарды құттықтау – азаматтық және шәкірттік парызымыз. Қадірлі ұстаздар! Мерейлі сәтте Тараз қаласындағы Баласағұн мәдениет үйінде барша Жамбыл облысының ұстаздарын кәсіби мерекесімен құттықтай отырып, терең білімді ерен еңбекпен ұштастырып, Әділетті Қазақстанның перзенттерін жаңашыл, жаңғырған болмыста тәрбиелеуде мықты денсаулық, қажырлы күш- қайрат, отбастарыңызға құт-береке, амандық тілеймін! Төл мерекелеріңіз құтты болсын!,- деген өңір басшысы төл мерекеде еңбегімен елге танылған, абырой арқалап, шәкіртімен мерейі артқан бірқатар ұстаздарға марапат табыстауда. Ұстаздар мерекесі алқызыл гүл мен марапатқа, қуанышты әнмен әдемі биге ұласты.
