Қызылқоға ауданының Ойыл ауылдық округі, Жасқайрат ауылының тұрғыны Сырым Тәжіков биыл егін шаруашылығын қолға алды. Ол тары дақылын Ойыл өзенінің жағалауында екті. Бұл – жергілікті жерде дәнді дақыл өсіруді дамытуға бағытталған жеке бастама.
Егістік жұмыстары жоспарға сай жүргізілуде. Қазір егістік алқабында күтіп-баптау жұмыстары кезең-кезеңімен атқарылуда. Дақылдың қалыпты өсіп-жетілуі үшін қажетті шаралар уақытылы ұйымдастырылып, жұмыстар өз деңгейінде жалғасып жатыр. Алдағы жоспар – егістік көлемін ұлғайту.
Диқан алдағы жылы егіс алқабының көлемін кеңейтуді жоспарлаған. Егер биылғы өнім күткендегідей болса, тары егілетін жер көлемі ұлғайтылып, ауылшаруашылығы өндірісін одан әрі дамыту көзделіп отыр.
