2024 жылдың 28 тамызы мен 8 қыркүйегі аралығында Парижде XVII Паралимпиада ойындары өтеді. Паралимпиада ойындарының ашылу салтанаты ресми түрде 28 тамыз күні өтті. Аталмыш доданың шымылдығы Париждың жүрегі саналатын әйгілі Champs-Élysées бульвары мен Place de la Concorde алаңында ашылды.
Онда спортшылар спорттың 23 түрінен күш сынасады. Қазақстан паралимпиада құрамасының қоржынында спорттың 9 түрінен қатысуға 32 лицензия бар. Еске салайық, Токио-2020 Паралимпиада ойындарында Қазақстан намысын 25 спортшы қорғап, 5 медаль (1 алтын, 3 күміс және 1 қола) жеңіп алып, жалпы есепте 48-орынға көтерілген болатын. Францияның Париж қаласында ұйымдастырылған жазғы Паралимпиада ойындары ел астанасында алғаш рет өткізілмек. Бұған дейін Париж ешқашан Паралимпиада ойындарын қабылдамаған. Сондықтан айтулы оқиға қала тұрғындары үшін ерекше әрі тарихи маңызға ие болмақ. Бұл сынға әлемнің түкпір-түкпірінен 167-ге жуық мемлекет қатысады. Осы елдерден шамамен 4400-дей спортшы бақ сынасып, өзара кім мықтыны анықтайтын болады. Оның ішінде Қазақстан атынан 44 спортшы бар.
