Енді ешқандай кезекте жоқ, мемлекеттен жасалуы мүмкін қайыр-қайырымға қолын бір-ақ сілтегендер үшін жағымды жаңалық. Жуық арада оларға арнап жаңа ипотекалық бағдарлама әзірленбек. ҚР Индустрия және имфрақұрылымдық даму министрлігінің мәліметіне сенсек, жаңа бағдарлама «7-20-25» пен «5-10-20»-ның орнын басады. Азаматтар небәрі 10 пайыздық бастапқы жарнамен несие рәсімдеу мүмкіндігіне ие болмақ. Тек бұл үшін алдымен «Отбасы банкі» бірыңғай тұрғын үй операторы мәртебесін алуға тиіс.
– Жылдық пайыздық мөлшерлеме және басқа да шарттары туралы әзірге нақты ақпарат жоқ. Жаңа ипотекалық бағдарламаның тұжырымдамасы уәкілетті мемлекеттік органдармен келісіліп жатыр екен. Оны алдағы 2-3 апта ішінде бекіту жоспарланған, – деді ведомство өкілдері.
