Патриоттық әндер фестивалі өтті

Патриоттық   әндер   фестивалі   өтті

Әл-Фараби атындағы Оқушылар сарайында Нұр-Сұлтан қаласы әкімдігі жанындағы «Қоғамдық келісім» КММ-нің ұйымдастыруымен «Алтын күн» V балалар патриоттық әндер фестивалі болды. Фестивальге қаланың этномәдени бірлестіктерінің көркемдік ұжымдары, жалпы білім беретін мектептер мен ансамбльдердің оқушылары және 6 жастан 16 жасқа дейінгі барлық тілек білдіруші өнерпаздар қатысты. Фестиваль талабына сәйкес, қатысушы талапкерлер жас санаттары бойынша алдын ала іріктеуден өтті.

– «Балалар жылы» аясында 1 маусым – Халықаралық балаларды қорғау күніне арналған әндер сайысы қала бойынша биыл бесінші рет өтіп жатыр. Қатысушылар екі турда да 6 жастан 10 жасқа дейін, 11 жастан 13 жасқа дейін, 14 жастан 16 жасқа дейінгі жас санаттары бойынша өзара сынға түсті. Ең белсенді 6 мен 13 жас аралығындағы бүлдіршіндер. Қазылар алқасы 50-ге жуық қатысушыдан ақтық сынға 30-ға жуық талантты таңдап алды. Қорытынды байқаудан өткен жеңімпаздар бағалы сыйлықтар, арнайы дипломдармен марапатталады. Әртүрлі этнос өкілдерінің балалары арасында өтетін бұл фестивальдың мақсаты – патриоттық тәрбие мен жасөспірімдерге рухани-адамгершілік қасиеттерді дәріптеу, дарынды балаларды анықтау, оларды қолдау, патриоттық ән жанрын насихаттау. Биылға дейін бұл байқау астаналық балалар арасында ғана ұйымдастырылып келді. Алдағы уақытта Патриоттық ән фестивалін басқа да өңірлерде өткізсе деген ұсыныс бар. Эстафета ретінде ұйымдастырған дұрыс па... Ойластыру керек, — дейді Нұр-Сұлтан қаласы әкімдігі жанындағы «Қоғамдық келісім» КММ Баспасөз қызметінің басшысы Балгүл Мәмен.

Фестивальде «Бақытты бала – Бақытты Ел» Отан, Қазақстан, елорда, туған өлке туралы әндер, «Әлем балалардың көзімен» – ана, балалық шақ, достық және басқа да  тақырыптағы әндер орындалды. Фестиваль қорытындысында әрбір жас санат бойынша үш орынға жеңімпаздар және «Үздік орындаушы» номинациясымен үш жас санаттағы таланттар таңдалды. Фестиваль жеңімпаздары және барлық қатысушылар бағалы сыйлық, дипломдармен марапатталды.

Тілекгүл ЕСДӘУЛЕТ
02.06.2022

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 354
2
Өркенді қала-қуатты өңірге жетелейді
Show more
Дахан Шөкшир - 2023-06-02 6459
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8168
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6539
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6675