Альберто Тюркстра, Бельгиядағы Диломатиялық әлем институтының сарапшысы: «Белгісіз топтар жаппай тәртіпсіздік, хаос жасау арқылы егемен елді күйретуді көздеді. Президент Қасым-Жомарт Тоқаевтың шұғыл қабылдаған шаралары елдегі дағдарысты тез еңсеруге септігін тигізді. Мемлекет басшысы қабылдаған әлеуметтік-экономикалық реформалар жаһанға Қазақстанды жаңа қырынан танытары сөзсіз», – депті.
Лорд Уимболдон Тарик Ахмад, Ұлыбританияның мемлекеттік министрі: «Жақында болған қайғылы оқиға демократия мен адам құқықтарын қорғауды нығайтудың маңызды екенін көрсетті. Қазақстанмен тығыз мәдени және экономикалық байланысы бар ел ретінде біз экономикалық және саяси реформаларды қолдаймыз», – деп жазыпты. Метте Конгсхем, Норвегияның Еуропадағы Қауіпсіздік және Ынтымақтастық ұйымының бұрынғы елшісі: «Халықаралық қауымдастықтың қолдауымен Қазақстан бетпе-бет келіп отырған қиындықтарды жеңетініне сенемін. Бұл мақсатқа конструктивті диалог арқылы қол жеткізген дұрыс», – деп атап өтсе керек.
Алехо Видаль-Квадрас, Еуропа парламенті төрағасының бұрынғы орынбасары: «Президент Қасым-Жомарт Тоқаевтың уақтылы батыл шешімінің арқасында Қазақстанда тыныштық пен бейбітшілік қайта орнағанын ерекше атап өткім келеді. Қазақстанның ҰҚШҰ-ға мүше елдердің көмегіне жүгінгенін қолдаймын. Себебі бұл ұйым миссияларының бірі – бейбітшілікті сақтау және терроризммен күрес. Көрші мемлекеттердің көмегінсіз күллі аймақта тұрақсыздық белең алуы мүмкін еді», – деп мәлімдеген көрінеді.
Ақбар Мәжит, Қытайдың белгілі жазушысы: «Қазақстанның тұрақтылығына нұқсан келтіретін және қауіпсіздігіне қатер төндіретін, Қазақстан халқының бейбіт өмірін бұзатын кез келген күштерге, Қазақстанда әдейі тәртіпсіздіктерді, «Түрлі-түсті төңкерістерді» туындататын кез келген күштерге және Қытай-Қазақстан қатынастарына нұқсан келтіретін кез келген күштерге қарсылық білдіреміз және айыптаймыз».
