Қазақстандықтар банктерге 13,1 трлн теңге қарыз

Қаржы нарығын реттеу және дамыту агенттігі: «Қазақстанда жеке тұлғалардың екінші деңгейлі банктерге қарызы 13,1 триллион теңгені құрап отыр. Берешектің басым бөлігі, яғни 7 трлн теңгеден астамы – тұтынушылық несие. Биыл қыркүйекте ел экономикасына кредиттер 2,0 пайызға өсіп, 21,1 трлн теңгені құрады. Жыл басынан бері өсім – 14,1 пайыз немесе 2,6 трлн теңге. Соның ішінде ұлттық валютадағы кредиттер 1,8 пайызға, 19,3 трлн теңгеге дейін ұлғайды, ал шетел валютасындағы несиелер 4,4 пайызға, 1,8 трлн теңгеге дейін өсті. Бұл ретте халықтың банктерге қарызы 13,1 триллион теңгеге жеткен. Жеке тұлғалардың кредиттері 2022 жылғы қыркүйекте 2,5 пайызға ұлғайып, 13,1 трлн теңгені құрады. Несиелер осы жылдың басынан бері 21,6 пайызға өсті», – деп хабарлайды.