Асылхан АРТЫҚБАЙ, 7 жаста, Талғар ауданы, Еркін ауылы №26 ЖББ орта мектептің 3 «Ғ» сынып оқушысы, сурет салғанды өте жақсы көреді.
Ұстазы – сурет пәнінің мұғалімі Ленжан Дина Рахымжанқызы.
Сондай-ақ Асылхан спортпен шұғылданғанды жақсы көреді. Алматы облысы Іле ауданы Өтеген батыр кенті «Rangers» спорттық кешенінде футбол ойнайды.
«Талант» өнер орталығына қатысып, қолөнер мен суреттен бас жүлде, І орын иегері атанып жүрген талантты бала. Биылғы жылы 27 мамырда Өзбекстан Республикасы Ташкент қаласына барып, бағын сынауға жолдама алды. Ұлымен бірге сол жаққа барып келген анасы Меруерт Ерболқызы: «Асылхан Ташкенттен де Гран-при жеңіп алды. Енді ол Түркия елінің Стамбул қаласына баруға жолдама алды. Біз бұл жеңіске өте қуаныштымыз!» – дейді қуанып.
Талантты бала Асылханға «Талабыңа нұр жаусын, әркез қылқаламыңнан ешкімге ұқсамайтын тосын да тың дүниелер туа берсін!» – демекпіз.
