Теміржолшы Түкібаевтар әулеті ҚИНЭС қазақстандық рекордтар кітабына еніп, ең ұзақ еңбек өтілі бойынша рекорд орнатты.
Рекордшы әулетінің жалпы өтілі 616 жылды құрайды. Түрлі уақытта теміржолда Тукібаевтар отбасының 35 өкілі жұмыс істеген, әлі де жалғастыруда (5 ұрпақ).
Мен «ҚТЖ» ҰК» АҚ-ның Семей жол дистанциясының жетекші инженер-технологы болып жұмыс істеймін. Мен өз білімім мен жинақталған тәжірибемді отбасымыздың жас теміржолшыларына беремін, — дейді Ғалымбек Түкібаев.
Бұған дейін отбасы жыл сайынғы «Еңбек жолы» республикалық байқауының «Үздік еңбек әулеті» номинациясы бойынша жеңімпаз атанған.
Әулеттің негізін қалаушылар – ағайынды Маукен, Ілияс және Сыдық есімді теміржолшылар. Ағайындылар темір жолдағы еңбек жолын 30-шы жылдары бастап, Түркістан – Сібір темір жолының құрылысына қатысқан.Әкелерінің даңқты және ерен еңбегін балалары, кейіннен немерелері мен шөберелері абыроймен жалғастыруда.
