Түркістан облысы әкімінің орынбасарлары бекітілген кестеге сәйкес өңір тұрғындарын жеке қабылдап келеді.
Бұл жолы облыс әкімінің бірінші орынбасары Зұлпыхар Жолдасов азаматтарды жеке қабылдап, өтініштері мен ұсыныстарын тыңдады. Көтерілген мәселелерді шешуге жауапты сала басшылары да атсалысты.
Зұлпыхар Жолдасов кез келген мәселенің оңтайлы шешу жолын қарастыру керек екенін айтып, жауапты тұлғаларға тиісті тапсырмалар берді.
Жеке қабылдауға Сарыағаш, Сауран аудандарының және Түркістан қаласының тұрғындары келді. Олар тұрғын үй алу, жұмысқа орналасу, коммуналдық және басқа да мәселелерді қозғады. Сонымен қатар туризм саласын дамыту бойынша заманауи технологияларға негізделген жоба ұсынды. Барлық мәселе бойынша заң аясында тиісті жұмыстар жүргізіліп, ұсыныстар қаралады.
